O 7 de novembro
iniciamos un novo curso co Vaidelibros. Botamos especialmente en falta a Majo,
a coordinadora da nosa biblioteca, á que seguro lle gustaría estar con nós e á
que esperamos recuperar axiña. Foi un pracer reencontrarnos con vellos lectores
e lectoras e dar a benvida ás novas
caras que se suman a esta andaina literaria.
O libro escollido foi
La sociedad literaria y el pastel de pie
de patata de Guernsey, de Mary Ann Shaffer e Annie Barrows, unha novela
que, a través da técnica epistolar, conta a vida dunha serie de persoas unidas
polo amor á lectura durante a ocupación nazi da illa de Guernsey.
Os asistentes ao Vaidelibros destacaron que é interesante observar como describe os personaxes a través das cartas, que é un libro que fala de libros, que conta moi ben o contraste entre a vida apracible na illa e a dureza da ocupación alemá, que os personaxes son modernos na súa forma de actuar e de pensar, e que todo está bañado pola ironía e o sentido do humor.
Tamén lle atoparon algunhas
tachas: é previsible, non afonda nos temas e os personaxes son maniqueos: ou moi
bos ou moi malos.
Con todo, a
impresión xeral é que é un libro que deixa un sabor agradable e unha obra
recomendable para deleitarnos coa lectura.
1 comentario:
Yo lo comienzo a leer esta tarde. A ver si coincido con vuestras impresiones.
Un saludo.
Publicar un comentario