31.10.19

Samaín

Outro curso fixemos das nosas na biblioteca e contamos coa visita dunha convidada moi especial que saiu do mundo dos mortos para vir a aterrorizar ós rapaces reunidos na biblioteca. O espectro deleitounos con varios contos de terror entre os que se atopaban algún de Edgar Alan Poe El corazón delator e outros, Porseacaso e  Aconteceu dun escritor da zona, Serafín Soaje. Ademáis disto a biblioteca, coma sempre, estivo enfeitada como se merecía para tan lúgubre festexo. Agardamos que vos guste.







Día das bibliotecas escolares

Qué tal xente? Nós coma sempre, traballando para que tanto os rapaces coma os profesores e a comunidade educativa en xeral, se involucren nas actividades propostas dende a biblioteca.


Este curso o día das bibliotecas escolares (24 de Outubro) estivo marcada por una actividade diferente na que participaron tanto os alumnos de 1º ESO coma os rapaces de 2º de FP Básica. A actividade proposta foi a seguinte:


Unhas semanas antes do día en cuestión propusémoslles ós rapaces facer un traballo para exponer no hall do centro e que consistía en elaborar pequeñas exposicións sobre as Bibliotecas máis fantásticas do mundo que incluían fotos sobre as mesmas e una pequeña información. Despois de ter recollido todo o material colocámolo todo xunto una semana antes do día quedou así de vistoso. Tanto os rapaces de primeiro coma algúns de outros cursos baixaron a seleccionar a biblioteca que máis lle chamaba a atención e os profes de lingua continuaron os traballos e explicacións na clase.


















 

 





7.10.19

Bo comezo a todos!

Ola a tod@s:

Xa comezamos o novo curso e, coma sempre, arrancamos coas actividades da biblioteca con moitas ganas e ilusión. Xa tivemos a reunión co grupo de biblioteca para poder distribuir as tarefas e a primeira que vai tocar é a do día 24 de Outubro, o día das Bibliotecas Escolares. Para este día temos organizado unha actividade moi chula que despois colgarei no blog e que este ano se centra nas "Bibliotecas Fantásticas do Mundo" e na que participarán tanto os alumnos de 1º da ESO coma os de FP. Xa vos irei contando.





Temos tamén en marcha os Clubs de Lectura. Contamos este curso con tres diferentes: o Vaidelibros, que é o club de lectura para alumnos de bacharelato, pais e profes, o Beroleo, para todo o alumnado do centro e que está dividido en tres subgrupos (un grupo formado por alumnos de 1º e 2º da ESO, outro polos de 3º e 4º e o último polos de Bacharelato) e por último o Mawari Club, o club de lectura de Manga.
Todos estes clubs están funcionando moi ben e agardamos que este curso participen aínda máis alumnos, pais e profes que o pasado.

Outra actividade que temos pensado desenvolver este trimestre é a do Samaín. Enfeitaremos coma sempre a biblioteca con artigos temáticos de terror e faremos o día 31 de Outubro unha actividade arrepiante na biblioteca que xa colgarei no blog.

Ademáis de todo isto, convidaremos, coma todos os anos, a varios escritores que virán a presentar os seus libros, faremos obradoiros e moitas máis actividades dentro e fora da biblioteca que vos iremos amosando.

Unha aperta a todos e bo comezo de curso.

2.7.19

O Vaidelibros despídese en Betanzos








Este ano acordamos rematar as sesións do Vaidelibros 2018/19 en Betanzos. Por que Betanzos para ler Poetízate? Pois porque é unha fermosa vila cargada de historia e beleza onde se pode disfrutar da beleza dos poemas que recolle a boísima antoloxía de Fran Alonso. E ademais tiñamos un dos mellores guías para acompañarnos: o compañeiro Salvador Castro que coñece moi ben a zona e que gusta de ofrecer o seu coñecemento de xeito desinteresado.
Iniciamos o percorrido no mosteiro de Caaveiro, onde tivemos visita guiada por guia local, seguimos pola vila de Betanzos percorrendo as súas rúas máis importantes, as portas medievais da vila, as prazas para deseguido ir comer a un restaurante previamente contratado. Despois do xantar visitamos as tres igrexas máis importantes: A nosa señora do Azogue, igrexa de San Francisco (co túmulo do señor de Andrade -entroutras marabillas-) e a igrexa de Santiago. No lateral desta paramos a facer as lecturas.

Este era o quinto ano dende que comezaramos en Rianxo os roteiros literarios do Vaidelibros. Celebramos pois, aos postres do rico xantar que nos serviu un restaurante da vila (Mesón Vega) , o quinto aniversario destas saídas que sempre teñen resultado moi gratas, amenas e propicias á lectura (deber que nunca excusamos).

22.5.19

Visita de Carlos Meixide

Este escritor tan polifacético viunos visitar o luns 20 de Maio e contou as súas experiencias como escritor ante un público ávido de información sobre os seus libros, sobre todo o de Ons, que foi o que leran todos.


Unha rapaza de 2º da ESO fixo a presentación e o noso convidado quedou encantado. Pouco despois empezou a falar dos seus libros, Ons, Guitiriz, Cans... e ante a pregunta dun dos rapaces sobre onde ubicaría o seu próximo libro, Carlos comezou a nomear todos os pobos e cidades galegas por orde alfabético, o que provocou a sorpresa e a sonrisa do público.



 As preguntas que seguiron foron moi variadas e Carlos contestou a todas dun xeito moi divertido. Tamén lles pediu ós rapaces que fixeran algunha crítica dos seus libros porque ten muito en conta as opinións dos seus lectores, e os rapaces contestaron sen tapuxos.

En xeral foi una charla moi amena e rematou coa sinatura dos seus libros e cuns agasallos que dende a biblioteca lles damos ós escritores que pasan por aquí para agradecerlles o seu esforzo. Seguiremos pendientes da súa traxectoria como escritos agardamos volver a velo por aquí.







Club de lectura BEROLEO

 O novo club de alumnos , chamado Beroleo está a funcionar dun xeito inesperado para os profes, que non contabamos coa participación masiva dos alumnos que están apuntados.
O departamento de Lingua Castelá, xunto coa biblioteca, decidimos crear este club despois de falar no primeiro trimestre, e puxémolo a funcionar no segundo. A nosa sorpresa foi contar cun número tan grande de rapaces lectores e tivemos que dividilos en tres grupos: os de primeiro e segundo da ESO, os de terceiro e cuarto da ESO e un último grupo formado polos alumnos de primeiro e segundo de BACH. Os libros propostos foron:  "Momo", "El guardián entre el centeno", "Damián", "Hermano Robot", "El baile" e "Sumisión"
A experiencia foi moi positiva e seguiremos os cursos vindeiros con este club que tantas alegrías nos está a dar.











20.5.19

Izan o da saca

Resultado de imagen de Izan o da saca

E chega maio , o mes de Izan o da saca e do encontro co seu autor, Xabier Quiroga.
Podemos dicir que houbo unanimidade e que a lectura desta novela de intriga que fala da presenza  dos nazis en Galicia foi do gusto  de todos os lectores/as do club.
E se o libro gustou (mesmo houbo lectoras que aproveitaron para ler outras novelas de Xabier), non menos foi o encanto que espertou entre os/as asistentes a apaixonada disertación do escritor que nos falou tanto da creación da obra como da repercusión que esta tivo e o agradecida que foron  crítica e  lectores.
Grazas, Xabier Quiroga, polas túas obras, a charla amena e desinteresada e seguiremos lendo e compartindo.