1.4.19

Quedada de Manga no IES. María Soliño

O luns 25 de Marzo o IES María Soliño organizou una quedada de Clubs de Manga ó que fomos convidados. Os rapaces do noso club asistiron encantados e participaron masivamente en todas as actividades propostas: "Adivina el opening", "Concurso de dibujo", "Quiz de anime", "Cartas Magic", "Concurso Cosplay", "Curso de xapoñes"...entre outras actividades moi interesantes e divertidas.

A mañá transcurriu nun pis pas porque non deu tempo a facer todo o que fora proposto e os rapaces divertíronse moitísimo e fixeron novas amizades. Tanto é así que xa quedaron en atoparse na Comicon de Moaña que se celebrará nun par de meses.

Todos os concursos tiveron uns gañadores e premios para os mesmos e gustáronnos tanto algunas actividades que xa temos pensado desenvolvelas no nosos centro, como por exemplo o curso de Xaponés, proposto xa para o terceiro trimestre.

Foi toda una experiencia tanto para os rapaces coma para os profesores que participamos, polo que agardamos volver a repetila noutros cursos.













18.3.19

Marisol Ortiz de Zárate

Os grupos de 3º da Eso recibiron a Marisol Ortiz o venres día 15 de marzo na biblioteca.
Viu falar sobre o libro que lles propuxemos ós rapaces La fabuladora e que, según ela, foi "o seu libro máis complexo e complicado" de todos cantos escribiu. Esta escritora de Victoria emocionou ós alumnos coas súas ganas de contar historias, coa súa traxectoria literaria, coa súa forza vital; e respostou ás preguntas que eles lle fixeron non só sobre o libro en cuestión senon tamén sobre a súa vida como escritora.
Rematamos a visita coa sinatura de libros e cun agasallo que lle entregamos e que lle gustou moito: una acuerela do pintor Lito Portela. Agardamos que ela quedara tan contenta coa súa visita ó centro como o estamos nós de tela recibido.






12.3.19

Club de lectura

Como xa sabedes, este curso o departamento de Lingua Castelá xunto coa biblioteca propuxémomos crear un club de lectura xuvenil (xa contamos con un de adultos e outro de Manga) e debido o número de alumnos apuntados e as diferentes idades dos mesmos, decidimos dividilo en tres grupos: 1º e 2º da ESO, 3º e 4º da ESO e 1º e 2º de Bach.

A primeira reunión  celebrouse o día 19 de febreiro despois das clases, e nel participaron os rapaces de 1º e 2º de bacharelato. Houbo unha asistencia masiva e o libro de lectura proposto, Demian, gustoulles moitísimo ós alumnos e comentaron moitos aspectos do mesmo como a dualidade entre o ben e o mal.

 As xuntanzas cos rapaces de 1º e 2º da ESO foron en dous recreos dos días 26 e 28 de febreiro e o libro proposto foi Momo. A verdade é que os profesores quedamos gratamente sorprendidos ó comprobar que os rapaces non só leron o libro senón que o disfrutaron de verdade e comentaron aspectos moi interesantes tanto do protagonista como de outras personaxes. Profundizaron ademáis en cuestións filosóficas, o que deu moito que falar.

En canto ós rapaces de 3º e 4º da ESO, o libro El guardián entre el centeno deu moito xogo para falar do protagonista e do seu futuro, para deterse en cuestións de identidade para eles como poden ser a adolescencia, a responsabilidade, a loucura...

 Foron unhas reunións moi interesantes cas que quedamos encantados tanto os profesores coma os alumnos participantes. Repetiremos!







20.2.19

San Valentín

Este 14 de Febreiro celebramos o día do amor diverso dende a biblioteca facendo traballar ós rapaces o tema das emocións e os sentimentos e o fixeron a través dun corazón vermello no que cada alumno escribiu un sentimento, unha emoción, un poema, un refrán...relacionado co tema. Con todos eses corazóns xuntos montamos dous corazóns xigantes que expusemos fora da biblioteca. Os rapaces non só participaron na elaboración dos mesmos se non que tamén axudaron a colocalos. Foi todo moi divertido.







Antonio García Teijeiro

O venres 8 de Febreiro visitounos o gran escritor e poeta Antonio García Teijeiro, que viu a falar cos rapaces de 1º da ESO sobre a súa traxectoria como escritor e como gañador do premio nacional no 2017 co libro de poemas "Poemar  Mar". A verdade é que non deixou indiferente a ninguén e tanto os alumnos coma os profesores que tivemos a sorte de escoitalo, quedamos abraiados coa súa sinxeleza, co seu saber estar, coa interacción que mostrou cos alumnos... O seu xeito de contar as cousas e a súa forma de recitar encantou a todo o alumnado. As súas vivenzas pasaron a ser nosas por unhas horas e contounos, entre outras cousas, as súas viaxes, as súas grandes amizades con poetas e escritores moi coñecidos, e, sobre todo, cómo foi o momento no que lle dixeron que fora nomeado gañador do premio nacional. Foi unha visita excepcional e sentímonos moi agradecidos. Levou como agasallo un agarimo que lle encantou: unha acuarela do pintor  Lito Portela que foi o colofón a súa visita.









Os rapaces fixeron á entrada da biblioteca un mural precioso que mesturaba as especies mariñas e eos poemas do seu libro. Antonio quedou encantado.







17.1.19


José Vieira


O pasado mércores, 9 de xaneiro, tivemos o pracer de contar coa presenza na biblioteca do autor José Vieira, que viu a presentar o seu último libro “A nova orde” ante un público moi interesado neste tema; os rapaces dos ciclos de electrónica e administrativo.

 
O autor empezou a presentación do libro a través dunha serie de imaxes. Baixo as preguntas; ¿Quénes son os amos do mundo ? Qué pretenden?  nos amosou o futuro inmediato e imperfecto (reducción de postos de traballo pola automatización , busca dunha masa social ignorante e desmovilizada...) Frente a isto, as súas propostas: formación e renta básica universal.


Foi un tema moi interesante e fixo que os rapaces se plantexaran non só o seu futuro, se non o futuro da humanidade en xeral, que foi xustamente o que pretendía o autor.



 
 
                                     

21.12.18

NADAL NA BIBLIOTECA

E, como non podía ser doutro xeito, este nadal voltamos a enfeitar a nosa biblioteca como se merece, e os rapaces participaron tanto na decoración coma nas actividades desenvolvidas nela. Tamén fixemos una recomendación de lecturas de nadal coas novidades mercadas e tamén cos libros clásicos típicos de nadal. E quedou todo moi chulo como podedes comprobar. E o último día antes das vacacións os rapaces se mediron con algún profes nun torneo de xadrez.

BO NADAL a todos e FELIZ 2019