“OS FIOS”
Onte, 5 de
Decembro, coma sempre mércores,
tivemos o segundo encontro no que vai de curso, no “Vaidelibros”.
O libro suxerido
foi “Os fíos”, de Xurxo Sierra, unha novela que sen querer ser novela (gañou o
concurso de relatos curtos de Repsol no 2010), deu para falar coma se fosen
tres novelas…
Pertrechados tras
os nosos “bocatas” e enriba das mesas un agasallo de Nadal (turróns, galletas, cafés,
tés e herbas varias), fomos debullando o que nos pareceu a obra.
Coma sempre a favor e
en contra.
O primeiriño de
todo foi falar de coma fora a orde na lectura, porque o autor invítanos a que
leamos os tres capítulos comezando por onde nos dea a gana e así foi, cada quen
comezou por onde quixo. A maioría preferiu facelo cronoloxicamente .
Destacouse que
era un libro doado de ler, ben escrito, e que deixa aos lectores a posibilidade
de ir construíndo ao redor deses fíos que unen os tres relatos.
Pola contra:
demasiado aberto, incrible, sen moito sentido…
No que si
estivemos tod@s de acordo foi na presenza do azar como fío condutor:
No primeiro
relato o azar fai que os protagonistas se citen nun hoteliño rural que troca as
súas vidas.
No segundo a protagonista por azar ten unha escopeta e, por
azar,mata a unha persoa…No terceiro o azar da coas costas dun xoieiro no
cárcere…
A discusión seguiu
por se era lóxico ou non o que o autor nos propoñía, das contradicións dos
personaxes, dos seus comportamentos por veces inexplicables.
Sen darnos de
conta e, coma sempre, debullando,
debullando, foron aparecendo os graos que fixeron que sairamos cheos de
lectura. ¡¡COMA SEMPRE!!
No hay comentarios:
Publicar un comentario