DÍA DO LIBRO 2020
Un ano máis, coma todos, festexamos este día con actividades relacionadas coa lectura, para que tanto os nenos coma os adultos nos acheguemos un pouquiño máis a este mundo marabilloso das letras. E este ano, máis que nunca, seguiremos dende as casas potenciando o hábito lector que tantas horas de ledicia nos proporciona nestes tempos difíciles polos que estamos a pasar.
A nosa compañeira María Navaza está a desenvolver unha actividade moi chula cos rapaces de 1º da ESO e os traballos que está a recopilar ó longo desta semana colgarémolos a partir da que ven.
Tamén queremos deixarvos o enlace a unha páxina web onde podedes descargar o libro "AMAR" de Palabras Aladas , con actividades diarias. É un libro pensado a partir de 6 anos ata os 99, moi interesante, que fala das emocións e lles axudará a entender o que nos pasa nestes días que toca estar na casa nunha situación estrana para todos. Agardamos que vos sexa de utilidade.
E xa para rematar este día tan especial nos gustaría que fixérades un visionado deste corto tan propicio. Titúlase "Los fantásticos Libros Voladores del Sr Morris Lessmore"
Vale a pena.
FELIZ DÍA DO LIBRO!!!!!!!!
1 comentario:
Estupendo 😉
Publicar un comentario