Semana da Ciencia en galego

O día 4 de novembro celebrouse o Día da Ciencia en Galego.

 O principal obxectivo desta celebración consistía salientar a difusión do coñecemento científico no idioma galego e resaltar as achegas dos galegos á ciencia universal. Este ano os profesores de matemáticas escolleron como símbolo as aves e bolboretas que, ao igual que a ciencia e os científicos, non fan caso de fronteiras nin de barreiras culturais e políticas e que, do mesmo xeito que moitos científicos cando se ven obrigadas a saír fóra na procura de alimento, saben atopar o camiño de volta.

Como todos os anos déronlle forma o seu símbolo para que tanto os paxaros como as bolboretas levaran o seu desexo: facer ciencia en galego.

 A semana da celebración, en concreto, o día 6 de novembro  non lles  fixeron caso os muros que llelo impedían. Cada profesor, na aula de ESO na que impartía clase e despois de explicarlles ós rapaces o que se celebraba, fixo con eles a actividade prevista nese nivel que se detalla a continuación:

 En 1º da ESO pintaron, recortaron, pegaron e doblaron as siluetas de papel das bolboretas monarca. En 2º da ESO construiron as  bolboretas de papel. En 3º da ESO  paxaros de papel e en 4º da ESO anduriñas de papel.

Os profesores recolleron os traballos dos alumnos para expoñelos posteriormente nos corredores do instituto.  Toda a actividade foi realizada en galego e nos papeis que se utilizaron debían escribir en galego algún resultado científico que estaban a traballar nese momento nalgunha materia de ciencias.

Dende a biblioteca, para acompañar toda esa actividade, montamos unha mesa con libros de ciencia en galego.

Foi un traballo precioso que quedou así de vistoso: