A obra gañadora do Premio Merlín de Literatura Infantil (2014) e do Premio Nacional de Literatura Infantil e Xuvenil
(2015) ten como obxectivo, en palabras da propia Ledicia Costas, “desmitificar o tema da morte a través do humor macabro” (Faro de Vigo, 6 de outubro de 2015).
O miolo da historia comeza cando Román Casas recibe polo seu décimo aniversario un agasallo que os pais
mercaron na web Inframortos; o agasallo chega do Inframundo metido nun cadaleito; dentro aparece,
en pezas, Escarlatina, unha nena morta do século XIX que só podía ser activada
polo protagonista da novela.
Escarlatina e a súa amiga Lady Hogggrreugggr (unha araña francesa que vive no seu nariz) levarán a Román e ao seu gato Dodoto ao Alén; alí terán que cociñar xuntos un manxar que guste tanto aos vivos coma aos mortos. Se o logran, Escarlatina resucitará e Román poderá volver ao mundo dos vivos. Conseguirano?
Os Papalibros reunidos para falar de Escarlatina...
O alumnado comentou varios aspectos da obra que lle gustaron pola súa orixinalidade, especialmente o lugar onde se desenvolve a acción ( o cemiterio) e os personaxes ( os mortos); tamén destacaron que é a primeira vez que len un libro no que, entre capítulo e capítulo, hai unha receita de cociña.
Outro dos aspectos que contribúe, sen dúbida, ao éxito do libro entre os nosos lectores son as marabillosas ilustracións de Víctor Rivas.
No hay comentarios:
Publicar un comentario