Esperanza Mariño presentando o libro
A deleiba do mundo de A. Maalouf (Reseña feita por Esperanza Mariño-Profesora de Xeografía e Historia)
Un libro que axuda a entender a orixe dos
problemas e ameazas aos que nos enfrontamos hoxe. Explica e propón respostas e
solucións á crise, regresión e
confrontación na que se encontran dúas importantes civilizacións, a occidental e
a musulmá.
No primeiro caso os cambios producidos coa
caída do muro de Berlín e o avance da globalización, que fixeron aumentar moito
as desigualdades. No mundo musulmán as dificultades para o progreso da
democracia e o aumento da radicalización.
O autor, coñecedor destes dous mundos aos que
está fortemente vinculado, e admirador dos valores ilustrados, propón como
saída reafirmalos e poñelos en práctica en todo o mundo para que sexan un
referente universal.
" Ou somos quen de construír neste
século unha civilización común, coa que cada quen poida identificarse, vencellada
por os mesmos valores universais, guiada por unha fe poderosa na aventura
humana, enriquecida con todas as nosas diversidades culturais, ou afundimos
xuntos nunha barbarie común".
Ao longo do libro mostra unha gran inquietude
polos perigos aos que nos enfrontamos, aínda que tamén unha grande esperanza na
capacidade humana para repensar e
reorganizar totalmente o mundo e saír da
longa etapa tribal da historia.
Os reunidos para comentar o libro coincidimos
na práctica totalidade en que nos gustou, ainda recoñecendo certas dificultades
de lectura pola profundidade e dificultade dos temas propostos. Á meirande
parte lles pareceu moi interesante e recomendable para entender o mundo de hoxe, e pode axudar
a mitigar o medo e a ira que se senten ante os inquietantes acontecementos
actuais.
No hay comentarios:
Publicar un comentario