Otra idea de Galicia

O 27 de marzo acudimos á cita da penúltima sesión do Club de Lectura Vaidelibros para comentar a obra Otra idea de Galicia de M. Anxo Murado.
Era a nosa primeira incursión no xénero ensaístico e non resultou un problema para a maioría, mesmo para aqueles que confesaban que o seu xénero preferido era a novela.
En xeral gustou. Coincidimos en que descubrimos cousas coa lectura e as máis escépticas quedaron en confrontar algúns dos datos pois non lle merecían demasiada confianza. As mesmas que comentaban que non lles casaba o título co que o autor finalmente contaba.
Foi, de todas as sesións, a que contou con menos asistentes pero confiamos que esta situación mellore na próxima sesión que se celebrará o 1 de xuño de 2011 coa obra Deshonra, de J.M.Coetzee, (Desgracia), para aqueles que o lean en castelán.
Quedades convidados/as a participar.