A miña planta de laranxa lima

O 9 de febreiro xuntámonos unha vez máis para falarmos de A miña planta de laranxa lima, de Jose Mauro de Vasconcelos. Nesta sesión contamos coa participación de boa parte do alumnado de 3º de ESO.


Aínda que a obra foi escollida pensando nun público máis novo cás escollas anteriores, parece que non foi moi boa escolla a xulgar polos comentarios da rapazada. En xeral non lles gustou nada!
Canto aos maiores, tampouco houbo unanimidade: aqueles que gustamos moito da novela e aqueloutros que non disfrutaron por ser unha historia demasiado triste.


Ben, imos ver que pasa con O cazador de papaventos (ou Cometas en el cielo na tradución castelá).
Vémonos mércores, 16 de marzo ás 3 da tarde como vén sendo habitual.
Non esquezas o bocata!!