Tocaba teatro e queriamos, se era posible, contar cun actor. Tiñamos acceso a Tatán, actor de Tanxarina, que está representando por toda España con tremendo éxito a versión que do conto de C. Casares (A galiña azul) fixo Cándido Pazó para este grupo de titiriteiros. Convidámolo e non dubidou en achegarse a Rodeira a falar cos lectores e lectoras do Vaidelibros.
Falounos de teatro, falounos de títeres e da súa elaboración, falounos do estado actual da cultura en Galicia, centrándose no mundo do teatro que é o que mellor coñece, falounos da pertinencia e actualidade que o conto de Casares ten hoxe en día.
Un pracer inmenso poder contar cun home que leva corenta anos traballando por e para o teatro nun país, Galicia, onde o poder non sempre sabe tratar como se merece a estes artistas da farándula que tan bos ratos nos proporcionan coas súas obras.
Unha das sesións máis numerosas deste ano. A obra e o actor espertaron interese.
Carla, alumna de 2º de bacharelato, entrega o agasallo a Tatán, o noso convidado.
No hay comentarios:
Publicar un comentario