O 9 de abril tivemos unha sesión
extraordinaria do club de lectura : reunímonos con Fran Alonso,
autor do último libro lido, O brillo dos elefantes, que veu
invitado polos Papalibros.Tamén foi unha reunión especial
porque o encontro se realizou ás 14:10, cando remataron as clases,
polo que fixemos un encontro con comida incluída.
Aproveitando a
visita do autor, desta vez os membros fixos do club invitaron
a outros alumnos e alumnas de 1º e 2º da ESO a que leran o libro
proposto e a a asistir á reunión. En total xuntáronse 25 rapaces e
rapazas deses cursos.
Tres alumnos do club prepararon unha
pequena presentación sobre Fran Alonso na que deron conta da súa biografía, obra e premios.
Manel, Julio e Pablo presentaron o autor, bibliografía e a obra lida para esta sesión
A continuación, o autor foi
contestando as nosas preguntas e reflexionou sobre outros aspectos
da súa obra: o conflito no Sahara, a situación da xente nos países
subdesenvolvidos, a multiculturalidade, os problemas da vida
cotiá,... Impresionounos a súa sinxeleza,
afabilidade e humildade, pois, a pesar de ser un dos autores máis
recoñecidos da literatura galega actual, prestouse a empregar dúas
horas do seu tempo para compartilo cos lectores máis pequenos.
Ao rematar a charla asinou no libro de
honra da biblioteca e, en agradecemento á súa amabilidade,
agasallámolo cunha reprodución do faro de Donón realizado por un
artesán de Cangas.
Aitor Gandón e Julio Ortega ( 2º B
ESO)
No hay comentarios:
Publicar un comentario