O xoves, 12 de marzo, reunímonos para falar
sobre a obra Onde viven os monstros de Maurice Sendak , obra que leron
os Papalibros de 1º ESO.
O libro conta a viaxe de Max ao mundo dos
monstros despois de que a súa nai o mandase ao seu cuarto sen cear por facer
trasnadas. Cando chega alí , os monstros noméano rei; aínda así Max decide voltar á súa casa ao
sentir o cheiro da comida quente.
A crítica di que o libro está vixente porque
mostra os temores e desexos da nosa infancia: os nosos monstros ( medos): o medo
ao abandono, a que os pais nos deixen de querer, ...
Os alumnos fixeron reflexións interesantes
sobre a viaxe do protagonista: explican que facía trasnadas por chamar a
atención e, como no mundo dos monstros todos facían trasnadas, deixou de
sentirse especial e por iso volveu.
Outros explican que Max volveu porque, a pesar
de ser o rei no mundo dos monstros, sentíase só e tiña morriña do cariño da súa
familia.
Tamén explicaron que ten dúas lecturas: unha
para nenos, na que só len o texto sen máis interpretacións e outro para
adultos na que fan unha lectura máis profunda: que son os monstros,
por que se vai Max, por que volve...
No hay comentarios:
Publicar un comentario