O
pasado mércores 26 de marzo visitounos Xulia
Alonso, a autora de Futuro imperfecto, obra autobiográfica na que se relata a situación dunha parella
que despois de superar a depedencia das drogas
nos 80 ten que afrontar a sida e a morte.
Con
grande sentimento relatounos os avatares da obra que, pola súa carga de
dureza e sinceridade, nos deixou impresionados. A autora comenzou xustificando o
propósito da mesma, que en ningún momento foi o de publicar senón que ía
dirixida a súa filla Lucía e “futuros” netos, para que ,dende a máis fonda
verdade, puideran ter un relato de primeira man do que acontecera. Despois,
por casualidade, chegou a mans da
editorial ao que seguíu o seu éxito posterior.
Ao
longo do encontro saíron como temas máis salientables a droga e a sida pero
tamén o amor e a amizade. En todo momento quedou patente a importancia do tempo
no que ocurriron os feitos: final da Transición comezo da Democracia onde o
sentimento de liberdade que a xuventude sentía, cruzábase ás veces co mundo
das drogas nesa busca de novas experiencias...
Tamén,
como na novela, a autora salientou a confusión inicial logo da descuberta da
sida o que provocaba un clima de desconfianza e marxinación cos infectados,
feito que levou a protagonista a unha actitude de autoprotección mediante a
ocultación do problema fóra do seu círculo máis íntimo.
MONCHO DAVILA
MONCHO DAVILA
Así anunciaba o acto o Faro de Vigo na delegación do Morrazo: http://www.farodevigo.es/portada-o-morrazo/2014/03/26/escritora-xulia-alonso-participa-hoy/993000.html
No hay comentarios:
Publicar un comentario